7.5 ဘိသဒါယကတ္ထေရအပဒါန
Review
29.
1527
“ဝေဿဘူ နာမ နာမေန,
ဣသီနံ တတိယော အဟု;_
ကာနနံ ဝနမောဂယှ,
ဝိဟာသိ ပုရိသုတ္တမော.
30.
1528
ဘိသမုဠာလံ ဂဏှိတွာ,
အဂမံ ဗုဒ္ဓသန္တိကံ;
တဉ္စ ဗုဒ္ဓဿ ပါဒါသိံ,
ပသန္နော သေဟိ ပါဏိဘိ.
31.
1529
ကရေန စ ပရာမဋ္ဌော,
ဝေဿဘူဝရဗုဒ္ဓိနာ;
သုခါဟံ နာဘိဇာနာမိ,
သမံ တေန ကုတောတ္တရိံ.
32.
1530
စရိမော ဝတ္တတေ မယှံ,
ဘဝါ သဗ္ဗေ သမူဟတာ;
ဟတ္ထိနာဂေန သန္တေန,
ကုသလံ ရောပိတံ မယာ.
33.
1531
ဧကတ္တိံသေ ဣတော ကပ္ပေ,
ယံ ကမ္မမကရိံ တဒါ;
ဒုဂ္ဂတိံ နာဘိဇာနာမိ,
ဘိသဒါနဿိဒံ ဖလံ.
34.
1532
သမောဓာနာ စ ရာဇာနော,
သောဠသ မနုဇာဓိပါ;
ကပ္ပမှိ စုဒ္ဒသေ အာသုံ,
စက္ကဝတ္တီ မဟဗ္ဗလာ.
35.
1533
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
1534
ဣတ္ထံ သုဒံ အာယသ္မာ ဘိသဒါယကော ထေရော ဣမာ ဂါထာယော အဘာသိတ္ထာတိ.
1535
ဘိသဒါယကတ္ထေရဿာပဒါနံ ပဉ္စမံ.