7.8 အမ္ဗဒါယကတ္ထေရအပဒါန
Review
53.
1557
“အနောမဒဿီ ဘဂဝါ,
နိသိန္နော ပဗ္ဗတန္တရေ;
မေတ္တာယ အဖရိ လောကေ,
အပ္ပမာဏေ နိရူပဓိ.
54.
1558
ကပိ အဟံ တဒါ အာသိံ,
ဟိမဝန္တေ နဂုတ္တမေ;
ဒိသွာ အနောမဒဿိံ တံ,
ဗုဒ္ဓေ စိတ္တံ ပသာဒယိံ.
55.
1559
အဝိဒူရေ ဟိမဝန္တဿ,
အမ္ဗာသုံ ဖလိနော တဒါ;
တတော ပက္ကံ ဂဟေတွာန,
အမ္ဗံ သမဓုကံ အဒံ.
56.
1560
တံ မေ ဗုဒ္ဓေါ ဝိယာကာသိ,
အနောမဒဿီ မဟာမုနိ;
ဣမိနာ မဓုဒါနေန,_
အမ္ဗဒါနေန စူဘယံ.
57.
1561
သတ္တပညာသကပ္ပမှိ,
ဒေဝလောကေ ရမိဿတိ;
အဝသေသေသု ကပ္ပေသု,
ဝေါကိဏ္ဏံ သံသရိဿတိ.
58.
1562
ခေပေတွာ ပါပကံ ကမ္မံ,
ပရိပက္ကာယ ဗုဒ္ဓိယာ;
ဝိနိပါတမဂန္တွာန,
ကိလေသေ ဈာပယိဿတိ.
59.
1563
ဒမေန ဥတ္တမေနာဟံ,
ဒမိတောမှိ မဟေသိနာ;
ပတ္တောမှိ အစလံ ဌာနံ,
ဟိတွာ ဇယပရာဇယံ.
60.
1564
သတ္တသတ္တတိကပ္ပသတေ,
အမ္ဗဋ္ဌဇသနာမကာ;
စတုဒ္ဒသ တေ ရာဇာနော,
စက္ကဝတ္တီ မဟဗ္ဗလာ.
61.
1565
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
1566
ဣတ္ထံ သုဒံ အာယသ္မာ အမ္ဗဒါယကော ထေရော ဣမာ ဂါထာယော အဘာသိတ္ထာတိ.
1567
အမ္ဗဒါယကတ္ထေရဿာပဒါနံ အဋ္ဌမံ.