7.9 သုမနတ္ထေရအပဒါန
Review
62.
1568
“သုမနော နာမ နာမေန,
မာလာကာရော အဟံ တဒါ;
အဒ္ဒသံ ဝိရဇံ ဗုဒ္ဓံ,
လောကာဟုတိပဋိဂ္ဂဟံ.
63.
1569
ဥဘော ဟတ္ထေဟိ ပဂ္ဂယှ,_
သုမနံ ပုပ္ဖမုတ္တမံ;
ဗုဒ္ဓဿ အဘိရောပေသိံ,
သိခိနော လောကဗန္ဓုနော.
64.
1570
ဣမာယ ပုပ္ဖပူဇာယ,_
စေတနာပဏိဓီဟိ စ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
65.
1571
ဧကတ္တိံသေ ဣတော ကပ္ပေ,
ယံ ပုပ္ဖမဘိရောပယိံ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
66.
1572
ဆဗ္ဗီသတိမှိ ကပ္ပမှိ,
စတ္တာရောသုံ မဟာယသာ;
သတ္တရတနသမ္ပန္နာ,
ရာဇာနော စက္ကဝတ္တိနော.
67.
1573
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
1574
ဣတ္ထံ သုဒံ အာယသ္မာ သုမနော ထေရော ဣမာ ဂါထာယော အဘာသိတ္ထာတိ.
1575
သုမနတ္ထေရဿာပဒါနံ နဝမံ.