8.7 သူစိဒါယကတ္ထေရအပဒါန
Review
30.
1630
“တိံသကပ္ပသဟဿမှိ,
သမ္ဗုဒ္ဓေါ လောကနာယကော;
သုမေဓော နာမ နာမေန,
ဗာတ္တိံသဝရလက္ခဏော.
31.
1631
တဿ ကဉ္စနဝဏ္ဏဿ,
ဒွိပဒိန္ဒဿ တာဒိနော;
ပဉ္စ သူစီ မယာ ဒိန္နာ,
သိဗ္ဗနတ္ထာယ စီဝရံ.
32.
1632
တေနေဝ သူစိဒါနေန,
နိပုဏတ္ထဝိပဿကံ;
တိက္ခံ လဟုဉ္စ ဖာသုဉ္စ,
ဉာဏံ မေ ဥဒပဇ္ဇထ.
33.
1633
ကိလေသာ ဈာပိတာ မယှံ,
ဘဝါ သဗ္ဗေ သမူဟတာ;
ဓာရေမိ အန္တိမံ ဒေဟံ,
သမ္မာသမ္ဗုဒ္ဓသာသနေ.
34.
1634
ဒွိပဒါဓိပတီ နာမ,
ရာဇာနော စတုရော အဟုံ;
သတ္တရတနသမ္ပန္နာ,
စက္ကဝတ္တီ မဟဗ္ဗလာ.
35.
1635
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
1636
ဣတ္ထံ သုဒံ အာယသ္မာ သူစိဒါယကော ထေရော ဣမာ ဂါထာယော အဘာသိတ္ထာတိ.
1637
သူစိဒါယကတ္ထေရဿာပဒါနံ သတ္တမံ.