8.8 ပါဋလိပုပ္ဖိယတ္ထေရအပဒါန
Review
36.
1638
“သုဝဏ္ဏဝဏ္ဏံ သမ္ဗုဒ္ဓံ,
ဂစ္ဆန္တံ အန္တရာပဏေ;
ကဉ္စနဂ္ဃိယသင်္ကာသံ,
ဗာတ္တိံသဝရလက္ခဏံ.
37.
1639
သေဋ္ဌိပုတ္တော တဒါ အာသိံ,
သုခုမာလော သုခေဓိတော;
ဥစ္ဆင်္ဂေ ပါဋလိပုပ္ဖံ,_
ကတွာန အဘိသံဟရိံ.
38.
1640
ဟဋ္ဌော ဟဋ္ဌေန စိတ္တေန,
ပုပ္ဖေဟိ အဘိပူဇယိံ;
တိဿံ လောကဝိဒုံ နာထံ,
နရဒေဝံ နမဿဟံ.
39.
1641
ဒွေနဝုတေ ဣတော ကပ္ပေ,
ယံ ကမ္မမကရိံ တဒါ;
ဒုဂ္ဂတိံ နာဘိဇာနာမိ,
ပုပ္ဖပူဇာယိဒံ ဖလံ.
40.
1642
ဣတော တေသဋ္ဌိကပ္ပမှိ,_
အဘိသမ္မတနာမကော;
သတ္တရတနသမ္ပန္နော,
စက္ကဝတ္တီ မဟဗ္ဗလော.
41.
1643
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
1644
ဣတ္ထံ သုဒံ အာယသ္မာ ပါဋလိပုပ္ဖိယော ထေရော ဣမာ ဂါထာယော အဘာသိတ္ထာတိ.
1645
ပါဋလိပုပ္ဖိယတ္ထေရဿာပဒါနံ အဋ္ဌမံ.