8.9 ဌိတဉ္ဇလိယတ္ထေရအပဒါန
Review
- ဌိတဉ္ဇလိယတ္ထေရအပဒါန
42.
1646
“မိဂလုဒ္ဒေါ ပုရေ အာသိံ,
အရညေ ကာနနေ အဟံ;
တတ္ထ အဒ္ဒသံ သမ္ဗုဒ္ဓံ,
ဗာတ္တိံသဝရလက္ခဏံ.
43.
1647
တတ္ထာဟံ အဉ္ဇလိံ ကတွာ,
ပက္ကာမိံ ပါစိနာမုခေါ;
အဝိဒူရေ နိသိန္နဿ,
နိယကေ ပဏ္ဏသန္ထရေ.
44.
1648
တတော မေ အသနီပါတော,
မတ္ထကေ နိပတီ တဒါ;
သောဟံ မရဏကာလမှိ,
အကာသိံ ပုနရဉ္ဇလိံ.
45.
1649
ဒွေနဝုတေ ဣတော ကပ္ပေ,
အဉ္ဇလိံ အကရိံ တဒါ;
ဒုဂ္ဂတိံ နာဘိဇာနာမိ,
အဉ္ဇလိဿ ဣဒံ ဖလံ.
46.
1650
စတုပဏ္ဏာသကပ္ပမှိ,
မိဂကေတုသနာမကော;
သတ္တရတနသမ္ပန္နော,
စက္ကဝတ္တီ မဟဗ္ဗလော.
47.
1651
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
1652
ဣတ္ထံ သုဒံ အာယသ္မာ ဌိတဉ္ဇလိယော ထေရော ဣမာ ဂါထာယော အဘာသိတ္ထာတိ.
1653
ဌိတဉ္ဇလိယတ္ထေရဿာပဒါနံ နဝမံ.