9.2 ဂတသညကတ္ထေရအပဒါန
Review
10.
1697
“ဇာတိယာ သတ္တဝဿောဟံ,
ပဗ္ဗဇိံ အနဂါရိယံ;
အဝန္ဒိံ သတ္ထုနော ပါဒေ,
ဝိပ္ပသန္နေန စေတသာ.
11.
1698
သတ္တနင်္ဂလကီပုပ္ဖေ,
အာကာသေ ဥက္ခိပိံ အဟံ;
တိဿံ ဗုဒ္ဓံ သမုဒ္ဒိဿ,
အနန္တဂုဏသာဂရံ.
12.
1699
သုဂတာနုဂတံ မဂ္ဂံ,
ပူဇေတွာ ဟဋ္ဌမာနသော;
အဉ္ဇလိဉ္စ တဒါကာသိံ,
ပသန္နော သေဟိ ပါဏိဘိ.
13.
1700
ဒွေနဝုတေ ဣတော ကပ္ပေ,
ယံ ကမ္မမကရိံ တဒါ;
ဒုဂ္ဂတိံ နာဘိဇာနာမိ,
ဗုဒ္ဓပူဇာယိဒံ ဖလံ.
14.
1701
ဣတော အဋ္ဌမကေ ကပ္ပေ,_
တယော အဂ္ဂိသိခါ အဟု;
သတ္တရတနသမ္ပန္နာ,
စက္ကဝတ္တီ မဟဗ္ဗလာ.
15.
1702
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
1703
ဣတ္ထံ သုဒံ အာယသ္မာ ဂတသညကော ထေရော ဣမာ ဂါထာယော အဘာသိတ္ထာတိ.
1704
ဂတသညကတ္ထေရဿာပဒါနံ ဒုတိယံ.