2.3 မောဒကဒါယိကာထေရီအပဒါန
Review
30.
190
“နဂရေ ဗန္ဓုမတိယာ,
ကုမ္ဘဒါသီ အဟောသဟံ;
မမ ဘာဂံ ဂဟေတွာန,
ဂစ္ဆံ ဥဒကဟာရိကာ.
31.
191
ပန္ထမှိ သမဏံ ဒိသွာ,
သန္တစိတ္တံ သမာဟိတံ;
ပသန္နစိတ္တာ သုမနာ,
မောဒကေ တီဏိဒါသဟံ.
32.
192
တေန ကမ္မေန သုကတေန,
စေတနာပဏိဓီဟိ စ;
ဧကနဝုတိကပ္ပါနိ,
ဝိနိပါတံ နဂစ္ဆဟံ.
33.
193
သမ္ပတ္တိ တံ ကရိတွာန,
သဗ္ဗံ အနုဘဝိံ အဟံ;
မောဒကေ တီဏိ ဒတွာန,
ပတ္တာဟံ အစလံ ပဒံ.
34.
194
ကိလေသာ ဈာပိတာ မယှံ,
_ …ပေ… _
ဝိဟရာမိ အနာသဝါ.
35.
195
သွာဂတံ ဝတ မေ အာသိ,
_ …ပေ… _
ကတံ ဗုဒ္ဓဿ သာသနံ.
36.
196
ပဋိသမ္ဘိဒါ စတဿော,
_ …ပေ… _
ကတံ ဗုဒ္ဓဿ သာသနံ”.
197
ဣတ္ထံ သုဒံ မောဒကဒါယိကာ ဘိက္ခုနီ ဣမာ ဂါထာယော အဘာသိတ္ထာတိ.
198
မောဒကဒါယိကာထေရိယာပဒါနံ တတိယံ.