18.1 ဂေါဃာတကပုတ္တဝတ္ထု
Review
235.
255
ပဏ္ဍုပလာသောဝ ဒါနိသိ,
ယမပုရိသာပိ စ တေ ဥပဋ္ဌိတာ;
ဥယျောဂမုခေ စ တိဋ္ဌသိ,_
ပါထေယျမ္ပိ စ တေ န ဝိဇ္ဇတိ.
236.
256
သော ကရောဟိ ဒီပမတ္တနော,
ခိပ္ပံ ဝါယမ ပဏ္ဍိတော ဘဝ;
နိဒ္ဓန္တမလော အနင်္ဂဏော,
ဒိဗ္ဗံ အရိယဘူမိံ ဥပေဟိသိ.
237.
257
ဥပနီတဝယော စ ဒါနိသိ,_
သမ္ပယာတောသိ ယမဿ သန္တိကံ;
ဝါသော တေ နတ္ထိ အန္တရာ,
ပါထေယျမ္ပိ စ တေ န ဝိဇ္ဇတိ.
238.
258
သော ကရောဟိ ဒီပမတ္တနော,
ခိပ္ပံ ဝါယမ ပဏ္ဍိတော ဘဝ;
နိဒ္ဓန္တမလော အနင်္ဂဏော,
န ပုနံ ဇာတိဇရံ ဥပေဟိသိ.