20.1 ပဉ္စသတဘိက္ခုဝတ္ထု
Review
273.
295
မဂ္ဂါနဋ္ဌင်္ဂိကော သေဋ္ဌော,
သစ္စာနံ စတုရော ပဒါ;
ဝိရာဂေါ သေဋ္ဌော ဓမ္မာနံ,
ဒွိပဒါနဉ္စ စက္ခုမာ.
274.
296
ဧသေဝ မဂ္ဂေါ နတ္ထညော,
ဒဿနဿ ဝိသုဒ္ဓိယာ;
ဧတဉှိ တုမှေ ပဋိပဇ္ဇထ,
မာရဿေတံ ပမောဟနံ.
275.
297
ဧတဉှိ တုမှေ ပဋိပန္နာ,
ဒုက္ခဿန္တံ ကရိဿထ;
အက္ခာတော ဝေါ မယာ မဂ္ဂေါ,
အညာယ သလ္လကန္တနံ.
276.
298
တုမှေဟိ ကိစ္စမာတပ္ပံ,
အက္ခာတာရော တထာဂတာ;
ပဋိပန္နာ ပမောက္ခန္တိ,
ဈာယိနော မာရဗန္ဓနာ.