1.1.7 သဗ္ဗပရိညာသုတ္တ
Review
7.
32
ဝုတ္တဉှေတံ ဘဂဝတာ ဝုတ္တမရဟတာတိ မေ သုတံ—
33
“သဗ္ဗံ, ဘိက္ခဝေ, အနဘိဇာနံ အပရိဇာနံ တတ္ထ စိတ္တံ အဝိရာဇယံ အပ္ပဇဟံ အဘဗ္ဗော ဒုက္ခက္ခယာယ. သဗ္ဗဉ္စ ခေါ, ဘိက္ခဝေ, အဘိဇာနံ ပရိဇာနံ တတ္ထ စိတ္တံ ဝိရာဇယံ ပဇဟံ ဘဗ္ဗော ဒုက္ခက္ခယာယာ”တိ. ဧတမတ္ထံ ဘဂဝါ အဝေါစ. တတ္ထေတံ ဣတိ ဝုစ္စတိ—
34
“ယော သဗ္ဗံ သဗ္ဗတော ဉတွာ,
သဗ္ဗတ္ထေသု န ရဇ္ဇတိ;
သ ဝေ သဗ္ဗပရိညာ သော,
သဗ္ဗဒုက္ခမုပစ္စဂါ”တိ.
35
အယမ္ပိ အတ္ထော ဝုတ္တော ဘဂဝတာ, ဣတိ မေ သုတန္တိ.
36
သတ္တမံ.