1.1.8 မာနပရိညာသုတ္တ
Review
8.
37
ဝုတ္တဉှေတံ ဘဂဝတာ ဝုတ္တမရဟတာတိ မေ သုတံ—
38
“မာနံ, ဘိက္ခဝေ, အနဘိဇာနံ အပရိဇာနံ တတ္ထ စိတ္တံ အဝိရာဇယံ အပ္ပဇဟံ အဘဗ္ဗော ဒုက္ခက္ခယာယ. မာနဉ္စ ခေါ, ဘိက္ခဝေ, အဘိဇာနံ ပရိဇာနံ တတ္ထ စိတ္တံ ဝိရာဇယံ ပဇဟံ ဘဗ္ဗော ဒုက္ခက္ခယာယာ”တိ. ဧတမတ္ထံ ဘဂဝါ အဝေါစ. တတ္ထေတံ ဣတိ ဝုစ္စတိ—
39
“မာနုပေတာ အယံ ပဇာ,
မာနဂန္ထာ ဘဝေ ရတာ;
မာနံ အပရိဇာနန္တာ,
အာဂန္တာရော ပုနဗ္ဘဝံ.
40
ယေ စ မာနံ ပဟန္တွာန,
ဝိမုတ္တာ မာနသင်္ခယေ;
တေ မာနဂန္ထာဘိဘုနော,
သဗ္ဗဒုက္ခမုပစ္စဂုန်”တိ.
41
အယမ္ပိ အတ္ထော ဝုတ္တော ဘဂဝတာ, ဣတိ မေ သုတန္တိ.
42
အဋ္ဌမံ.