1.2.1 မောဟပရိညာသုတ္တ
Review
11.
56
ဝုတ္တဉှေတံ ဘဂဝတာ ဝုတ္တမရဟတာတိ မေ သုတံ—
57
“မောဟံ, ဘိက္ခဝေ, အနဘိဇာနံ အပရိဇာနံ တတ္ထ စိတ္တံ အဝိရာဇယံ အပ္ပဇဟံ အဘဗ္ဗော ဒုက္ခက္ခယာယ. မောဟဉ္စ ခေါ, ဘိက္ခဝေ, အဘိဇာနံ ပရိဇာနံ တတ္ထ စိတ္တံ ဝိရာဇယံ ပဇဟံ ဘဗ္ဗော ဒုက္ခက္ခယာယာ”တိ. ဧတမတ္ထံ ဘဂဝါ အဝေါစ. တတ္ထေတံ ဣတိ ဝုစ္စတိ—
58
“ယေန မောဟေန မူဠှာသေ,
သတ္တာ ဂစ္ဆန္တိ ဒုဂ္ဂတိံ;
တံ မောဟံ သမ္မဒညာယ,
ပဇဟန္တိ ဝိပဿိနော;
ပဟာယ န ပုနာယန္တိ,
ဣမံ လောကံ ကုဒါစနန်”တိ._
59
အယမ္ပိ အတ္ထော ဝုတ္တော ဘဂဝတာ, ဣတိ မေ သုတန္တိ.
60
ပဌမံ.