1.2.3 မက္ခပရိညာသုတ္တ
Review
13.
66
ဝုတ္တဉှေတံ ဘဂဝတာ ဝုတ္တမရဟတာတိ မေ သုတံ—
67
“မက္ခံ, ဘိက္ခဝေ, အနဘိဇာနံ အပရိဇာနံ တတ္ထ စိတ္တံ အဝိရာဇယံ အပ္ပဇဟံ အဘဗ္ဗော ဒုက္ခက္ခယာယ. မက္ခဉ္စ ခေါ, ဘိက္ခဝေ, အဘိဇာနံ ပရိဇာနံ တတ္ထ စိတ္တံ ဝိရာဇယံ ပဇဟံ ဘဗ္ဗော ဒုက္ခက္ခယာယာ”တိ. ဧတမတ္ထံ ဘဂဝါ အဝေါစ. တတ္ထေတံ ဣတိ ဝုစ္စတိ—
68
“ယေန မက္ခေန မက္ခာသေ,
သတ္တာ ဂစ္ဆန္တိ ဒုဂ္ဂတိံ;
တံ မက္ခံ သမ္မဒညာယ,
ပဇဟန္တိ ဝိပဿိနော;
ပဟာယ န ပုနာယန္တိ,
ဣမံ လောကံ ကုဒါစနန်”တိ._
69
အယမ္ပိ အတ္ထော ဝုတ္တော ဘဂဝတာ, ဣတိ မေ သုတန္တိ.
70
တတိယံ.