1.2.4 အဝိဇ္ဇာနီဝရဏသုတ္တ
Review
14.
71
ဝုတ္တဉှေတံ ဘဂဝတာ ဝုတ္တမရဟတာတိ မေ သုတံ—
72
“နာဟံ, ဘိက္ခဝေ, အညံ ဧကနီဝရဏမ္ပိ သမနုပဿာမိ ယေန နီဝရဏေန နိဝုတာ ပဇာ ဒီဃရတ္တံ သန္ဓာဝန္တိ သံသရန္တိ ယထယိဒံ, ဘိက္ခဝေ, အဝိဇ္ဇာနီဝရဏံ. အဝိဇ္ဇာနီဝရဏေန ဟိ, ဘိက္ခဝေ, နိဝုတာ ပဇာ ဒီဃရတ္တံ သန္ဓာဝန္တိ သံသရန္တီ”တိ. ဧတမတ္ထံ ဘဂဝါ အဝေါစ. တတ္ထေတံ ဣတိ ဝုစ္စတိ—
73
“နတ္ထညော ဧကဓမ္မောပိ,
ယေနေဝံ နိဝုတာ ပဇာ;
သံသရန္တိ အဟောရတ္တံ,
ယထာ မောဟေန အာဝုတာ.
74
ယေ စ မောဟံ ပဟန္တွာန,
တမောခန္ဓံ ပဒါလယုံ;
န တေ ပုန သံသရန္တိ,
ဟေတု တေသံ န ဝိဇ္ဇတီ”တိ.
75
အယမ္ပိ အတ္ထော ဝုတ္တော ဘဂဝတာ, ဣတိ မေ သုတန္တိ.
76
စတုတ္ထံ.