1.2.5 တဏှာသံယောဇနသုတ္တ
Review
15.
77
ဝုတ္တဉှေတံ ဘဂဝတာ ဝုတ္တမရဟတာတိ မေ သုတံ—
78
“နာဟံ, ဘိက္ခဝေ, အညံ ဧကသံယောဇနမ္ပိ သမနုပဿာမိ ယေန သံယောဇနေန သံယုတ္တာ သတ္တာ ဒီဃရတ္တံ သန္ဓာဝန္တိ သံသရန္တိ ယထယိဒံ, ဘိက္ခဝေ, တဏှာသံယောဇနံ. တဏှာသံယောဇနေန ဟိ, ဘိက္ခဝေ, သံယုတ္တာ သတ္တာ ဒီဃရတ္တံ သန္ဓာဝန္တိ သံသရန္တီ”တိ. ဧတမတ္ထံ ဘဂဝါ အဝေါစ. တတ္ထေတံ ဣတိ ဝုစ္စတိ—
79
“တဏှာဒုတိယော ပုရိသော,
ဒီဃမဒ္ဓါန သံသရံ;
ဣတ္ထဘာဝညထာဘာဝံ,_
သံသာရံ နာတိဝတ္တတိ.
80
ဧတမာဒီနဝံ ဉတွာ,
တဏှံ ဒုက္ခဿ သမ္ဘဝံ;
ဝီတတဏှော အနာဒါနော,
သတော ဘိက္ခု ပရိဗ္ဗဇေ”တိ.
81
အယမ္ပိ အတ္ထော ဝုတ္တော ဘဂဝတာ, ဣတိ မေ သုတန္တိ.
82
ပဉ္စမံ.