1.2.6 ပဌမသေခသုတ္တ
Review
16.
83
ဝုတ္တဉှေတံ ဘဂဝတာ ဝုတ္တမရဟတာတိ မေ သုတံ—
84
“သေခဿ, ဘိက္ခဝေ, ဘိက္ခုနော အပ္ပတ္တမာနသဿ အနုတ္တရံ ယောဂက္ခေမံ ပတ္ထယမာနဿ ဝိဟရတော အဇ္ဈတ္တိကံ အင်္ဂန္တိ ကရိတွာ နာညံ ဧကင်္ဂမ္ပိ သမနုပဿာမိ ယံ ဧဝံ ဗဟူပကာရံ ယထယိဒံ, ဘိက္ခဝေ, ယောနိသော မနသိကာရော. ယောနိသော, ဘိက္ခဝေ, ဘိက္ခု မနသိ ကရောန္တော အကုသလံ ပဇဟတိ, ကုသလံ ဘာဝေတီ”တိ. ဧတမတ္ထံ ဘဂဝါ အဝေါစ. တတ္ထေတံ ဣတိ ဝုစ္စတိ—
85
“ယောနိသောမနသိကာရော,
ဓမ္မော သေခဿ ဘိက္ခုနော;
နတ္ထညော ဧဝံ ဗဟုကာရော,
ဥတ္တမတ္ထဿ ပတ္တိယာ;_
ယောနိသော ပဒဟံ ဘိက္ခု,
ခယံ ဒုက္ခဿ ပါပုဏေ”တိ.
86
အယမ္ပိ အတ္ထော ဝုတ္တော ဘဂဝတာ, ဣတိ မေ သုတန္တိ.
87
ဆဋ္ဌံ.