1.2.7 ဒုတိယသေခသုတ္တ
Review
17.
88
ဝုတ္တဉှေတံ ဘဂဝတာ ဝုတ္တမရဟတာတိ မေ သုတံ—
89
“သေခဿ, ဘိက္ခဝေ, ဘိက္ခုနော အပ္ပတ္တမာနသဿ အနုတ္တရံ ယောဂက္ခေမံ ပတ္ထယမာနဿ ဝိဟရတော ဗာဟိရံ အင်္ဂန္တိ ကရိတွာ နာညံ ဧကင်္ဂမ္ပိ သမနုပဿာမိ ယံ ဧဝံ ဗဟူပကာရံ ယထယိဒံ, ဘိက္ခဝေ, ကလျာဏမိတ္တတာ. ကလျာဏမိတ္တော, ဘိက္ခဝေ, ဘိက္ခု အကုသလံ ပဇဟတိ, ကုသလံ ဘာဝေတီ”တိ. ဧတမတ္ထံ ဘဂဝါ အဝေါစ. တတ္ထေတံ ဣတိ ဝုစ္စတိ—
90
“ကလျာဏမိတ္တော ယော ဘိက္ခု,
သပ္ပတိဿော သဂါရဝေါ;
ကရံ မိတ္တာနံ ဝစနံ,
သမ္ပဇာနော ပတိဿတော;
ပါပုဏေ အနုပုဗ္ဗေန,
သဗ္ဗသံယောဇနက္ခယန်”တိ.
91
အယမ္ပိ အတ္ထော ဝုတ္တော ဘဂဝတာ, ဣတိ မေ သုတန္တိ.
92
သတ္တမံ.