2.1.2 သုခဝိဟာရသုတ္တ
Review
29.
179
ဝုတ္တဉှေတံ ဘဂဝတာ ဝုတ္တမရဟတာတိ မေ သုတံ—
180
“ဒွီဟိ, ဘိက္ခဝေ, ဓမ္မေဟိ သမန္နာဂတော ဘိက္ခု ဒိဋ္ဌေဝ ဓမ္မေ သုခံ ဝိဟရတိ အဝိဃာတံ အနုပါယာသံ အပရိဠာဟံ; ကာယဿ ဘေဒါ ပရံ မရဏာ သုဂတိ ပါဋိကင်္ခါ. ကတမေဟိ ဒွီဟိ? ဣန္ဒြိယေသု ဂုတ္တဒွါရတာယ စ, ဘောဇနေ မတ္တညုတာယ စ. ဣမေဟိ ခေါ, ဘိက္ခဝေ, ဒွီဟိ ဓမ္မေဟိ သမန္နာဂတော ဘိက္ခု ဒိဋ္ဌေဝ ဓမ္မေ သုခံ ဝိဟရတိ အဝိဃာတံ အနုပါယာသံ အပရိဠာဟံ; ကာယဿ ဘေဒါ ပရံ မရဏာ သုဂတိ ပါဋိကင်္ခါ”တိ. ဧတမတ္ထံ ဘဂဝါ အဝေါစ. တတ္ထေတံ ဣတိ ဝုစ္စတိ—
181
“စက္ခု သောတဉ္စ ဃာနဉ္စ,
ဇိဝှါ ကာယော တထာ မနော;
ဧတာနိ ယဿ ဒွါရာနိ,
သုဂုတ္တာနိ စ ဘိက္ခုနော.
182
ဘောဇနမှိ စ မတ္တညူ,
ဣန္ဒြိယေသု စ သံဝုတော;_
ကာယသုခံ စေတောသုခံ,
သုခံ သော အဓိဂစ္ဆတိ.
183
အဍယှမာနေန ကာယေန,
အဍယှမာနေန စေတသာ;
ဒိဝါ ဝါ ယဒိ ဝါ ရတ္တိံ,
သုခံ ဝိဟရတိ တာဒိသော”တိ.
184
အယမ္ပိ အတ္ထော ဝုတ္တော ဘဂဝတာ, ဣတိ မေ သုတန္တိ.
185
ဒုတိယံ.