2.2.4 ပညာပရိဟီနသုတ္တ
Review
41.
259
ဝုတ္တဉှေတံ ဘဂဝတာ ဝုတ္တမရဟတာတိ မေ သုတံ—
260
“တေ, ဘိက္ခဝေ, သတ္တာ သုပရိဟီနာ ယေ အရိယာယ ပညာယ ပရိဟီနာ. တေ ဒိဋ္ဌေဝ ဓမ္မေ ဒုက္ခံ ဝိဟရန္တိ သဝိဃာတံ သော်ပါယာသံ သပရိဠာဟံ; ကာယဿ ဘေဒါ ပရံ မရဏာ ဒုဂ္ဂတိ ပါဋိကင်္ခါ. တေ, ဘိက္ခဝေ, သတ္တာ အပရိဟီနာ ယေ အရိယာယ ပညာယ အပရိဟီနာ. တေ ဒိဋ္ဌေဝ ဓမ္မေ သုခံ ဝိဟရန္တိ အဝိဃာတံ အနုပါယာသံ အပရိဠာဟံ; ကာယဿ ဘေဒါ ပရံ မရဏာ သုဂတိ ပါဋိကင်္ခါ”တိ. ဧတမတ္ထံ ဘဂဝါ အဝေါစ. တတ္ထေတံ ဣတိ ဝုစ္စတိ—
261
“ပညာယ ပရိဟာနေန,
ပဿ လောကံ သဒေဝကံ;
နိဝိဋ္ဌံ နာမရူပသ္မိံ,
ဣဒံ သစ္စန္တိ မညတိ._
262
ပညာ ဟိ သေဋ္ဌာ လောကသ္မိံ,
ယာယံ နိဗ္ဗေဓဂါမိနီ;
ယာယ သမ္မာ ပဇာနာတိ,
ဇာတိဘဝပရိက္ခယံ.
263
တေသံ ဒေဝါ မနုဿာ စ,
သမ္ဗုဒ္ဓါနံ သတီမတံ;
ပိဟယန္တိ ဟာသပညာနံ,
သရီရန္တိမဓာရိနန်”တိ.
264
အယမ္ပိ အတ္ထော ဝုတ္တော ဘဂဝတာ, ဣတိ မေ သုတန္တိ.
265
စတုတ္ထံ.