3.3.4 သန္တတရသုတ္တ
Review
73.
471
ဝုတ္တဉှေတံ ဘဂဝတာ ဝုတ္တမရဟတာတိ မေ သုတံ—
472
“ရူပေဟိ, ဘိက္ခဝေ, အရူပါ သန္တတရာ, အရူပေဟိ နိရောဓော သန္တတရော”တိ. ဧတမတ္ထံ ဘဂဝါ အဝေါစ. တတ္ထေတံ ဣတိ ဝုစ္စတိ—
473
“ယေ စ ရူပူပဂါ သတ္တာ,
ယေ စ အရူပဋ္ဌာယိနော;
နိရောဓံ အပ္ပဇာနန္တာ,
အာဂန္တာရော ပုနဗ္ဘဝံ.
474
ယေ စ ရူပေ ပရိညာယ,
အရူပေသု အသဏ္ဌိတာ;
နိရောဓေ ယေ ဝိမုစ္စန္တိ,
တေ ဇနာ မစ္စုဟာယိနော.
475
ကာယေန အမတဓာတုံ,
ဖုသယိတွာ နိရူပဓိံ;
ဥပဓိပ္ပဋိနိဿဂ္ဂံ,_
သစ္ဆိကတွာ အနာသဝေါ;
ဒေသေတိ သမ္မာသမ္ဗုဒ္ဓေါ,
အသောကံ ဝိရဇံ ပဒန်”တိ.
476
အယမ္ပိ အတ္ထော ဝုတ္တော ဘဂဝတာ, ဣတိ မေ သုတန္တိ.
477
စတုတ္ထံ.