9 မေတ္တသုတ္တ
ကရဏီယမတ္ထကုသလေန,
ယန္တ သန္တံ ပဒံ အဘိသမေစ္စ;
သက္ကော ဥဇူ စ သုဟုဇူ စ,
သူဝစော စဿ မုဒု အနတိမာနီ.
သန္တုဿကော စ သုဘရော စ,
အပ္ပကိစ္စော စ သလ္လဟုကဝုတ္တိ;
သန္တိန္ဒြိယော စ နိပကော စ,
အပ္ပဂဗ္ဘော ကုလေသွနနုဂိဒ္ဓေါ.
န စ ခုဒ္ဒမာစရေ ကိဉ္စိ,
ယေန ဝိညူ ပရေ ဥပဝဒေယျုံ;
သုခိနော ဝ ခေမိနော ဟောန္တု,
သဗ္ဗသတ္တာ ဘဝန္တု သုခိတတ္တာ.
ယေ ကေစိ ပါဏဘူတတ္ထိ,
တသာ ဝါ ထာဝရာ ဝနဝသေသာ;
ဒီဃာ ဝါ ယေ ဝ မဟန္တာ,
မဇ္ဈိမာ ရဿကာ အဏုကထူလာ.
ဒိဋ္ဌာ ဝါ ယေ ဝ အဒိဋ္ဌာ,
ယေ ဝ ဒူရေ ဝသန္တိ အဝိဒူရေ;
ဘူတာ ဝ သမ္ဘဝေသီ ဝ,
သဗ္ဗသတ္တာ ဘဝန္တု သုခိတတ္တာ.
န ပရော ပရံ နိကုဗ္ဗေထ,
နာတိမညေထ ကတ္ထစိ န ကဉ္စိ;
ဗျာရောသနာ ပဋိဃသည,
နာညမညဿ ဒုက္ခမိစ္ဆေယျ.
မာတာ ယထာ နိယံပုတ္တ,
မာယုသာ ဧကပုတ္တမနုရက္ခေ;
ဧဝမ္ပိ သဗ္ဗဘူတေသု,
မာနသံ ဘာဝယေ အပရိမာဏံ.
မေတ္တဉ္စ သဗ္ဗလောကသ္မိ,
မာနသံ ဘာဝယေ အပရိမာဏံ;
ဥဒ္ဓံ အဓော စ တိရိယဉ္စ,_
အသမ္ဗာဓံ အဝေရမသပတ္တံ.
တိဋ္ဌံ စရံ နိသိန္နော ဝ,
သယာနော ယာဝတာဿ ဝိတမိဒ္ဓေါ;
ဧတံ သတိံ အဓိဋ္ဌေယျ,
ဗြဟ္မမေတံ ဝိဟာရမိဓမာဟု.
ဒိဋ္ဌိဉ္စ အနုပဂ္ဂမ္မ,
သီလဝါ ဒဿနေန သမ္ပန္နော;
ကာမေသု ဝိနယ ဂေဓံ,
န ဟိ ဇာတုဂ္ဂဗ္ဘသေယျ ပုနရေတီတိ.
မေတ္တသုတ္တံ.
ခုဒ္ဒကပါဌပါဠိ နိဋ္ဌိတာ.