3.5.9 ဥပ္ပဇ္ဇတိဇာနနပဉှ
Review
81.
387
ရာဇာ အာဟ— “ဘန္တေ နာဂသေန, ယော ဥပ္ပဇ္ဇတိ, ဇာနာတိ သော ‘ဥပ္ပဇ္ဇိဿာမီ’”တိ? “အာမ, မဟာရာဇ, ယော ဥပ္ပဇ္ဇတိ ဇာနာတိ သော ‘ဥပ္ပဇ္ဇိဿာမီ’”တိ.
388
“ဩပမ္မံ ကရောဟီ”တိ. “ယထာ, မဟာရာဇ, ကဿကော ဂဟပတိကော ဗီဇာနိ ပထဝိယံ နိက္ခိပိတွာ သမ္မာ ဒေဝေ ဝဿန္တေ ဇာနာတိ ‘ဓညံ နိဗ္ဗတ္တိဿတီ’”တိ? “အာမ, ဘန္တေ, ဇာနေယျာ”တိ. “ဧဝမေဝ ခေါ, မဟာရာဇ, ယော ဥပ္ပဇ္ဇတိ, ဇာနာတိ သော ‘ဥပ္ပဇ္ဇိဿာမီ’”တိ.
389
“ကလ္လောသိ, ဘန္တေ နာဂသေနာ”တိ.
390
ဥပ္ပဇ္ဇတိဇာနနပဉှော နဝမော.