3.6.2 သဗ္ဗညူဘာဝပဉှ
Review
84.
401
ရာဇာ အာဟ— “ဘန္တေ နာဂသေန, ဗုဒ္ဓေါ သဗ္ဗညူ သဗ္ဗဒဿာဝီ”တိ? “အာမ, မဟာရာဇ, ဘဂဝါ သဗ္ဗညူ သဗ္ဗဒဿာဝီ”တိ. “အထ ကိဿ နု ခေါ, ဘန္တေ နာဂသေန, သာဝကာနံ အနုပုဗ္ဗေန သိက္ခာပဒံ ပညပေသီ”တိ? “အတ္ထိ ပန တေ, မဟာရာဇ, ကောစိ ဝေဇ္ဇော, ယော ဣမိဿံ ပထဝိယံ သဗ္ဗဘေသဇ္ဇာနိ ဇာနာတီ”တိ? “အာမ, ဘန္တေ, အတ္ထီ”တိ. “ကိံ နု ခေါ, မဟာရာဇ, သော ဝေဇ္ဇော ဂိလာနကံ သမ္ပတ္တေ ကာလေ ဘေသဇ္ဇံ ပါယေတိ, ဥဒါဟု အသမ္ပတ္တေ ကာလေ”တိ? “သမ္ပတ္တေ ကာလေ, ဘန္တေ, ဂိလာနကံ ဘေသဇ္ဇံ ပါယေတိ, နော အသမ္ပတ္တေ ကာလေ”တိ? “ဧဝမေဝ ခေါ, မဟာရာဇ, ဘဂဝါ သဗ္ဗညူ သဗ္ဗဒဿာဝီ န အသမ္ပတ္တေ ကာလေ သာဝကာနံ သိက္ခာပဒံ ပညာပေတိ, သမ္ပတ္တေ ကာလေ သာဝကာနံ သိက္ခာပဒံ ပညာပေတိ ယာဝဇီဝံ အနတိက္ကမနီယန်”တိ.
402
“ကလ္လောသိ, ဘန္တေ နာဂသေနာ”တိ.
403
သဗ္ဗညူဘာဝပဉှော ဒုတိယော.