3.6.5 ဘဂဝတောဥပသမ္ပဒါပဉှ
Review
87.
412
ရာဇာ အာဟ— “ဘန္တေ နာဂသေန, ဥပသမ္ပဒါ သုန္ဒရာ”တိ? “အာမ, မဟာရာဇ, ဥပသမ္ပဒါ သုန္ဒရာ”တိ. “အတ္ထိ ပန, ဘန္တေ, ဗုဒ္ဓဿ ဥပသမ္ပဒါ, ဥဒါဟု နတ္ထီ”တိ? “ဥပသမ္ပန္နော ခေါ, မဟာရာဇ, ဘဂဝါ ဗောဓိရုက္ခမူလေ သဟ သဗ္ဗညုတဉာဏေန, နတ္ထိ ဘဂဝတော ဥပသမ္ပဒါ အညေဟိ ဒိန္နာ, ယထာ သာဝကာနံ, မဟာရာဇ, ဘဂဝါ သိက္ခာပဒံ ပညပေတိ ယာဝဇီဝံ အနတိက္ကမနီယန်”တိ.
413
“ကလ္လောသိ, ဘန္တေ နာဂသေနာ”တိ.
414
ဘဂဝတော ဥပသမ္ပဒါပဉှော ပဉ္စမော.