3.7.10 ဒီဃဋ္ဌိပဉှ
Review
103.
488
ရာဇာ အာဟ— “ဘန္တေ နာဂသေန, တုမှေ ဧဝံ ဘဏထ— ‘အဋ္ဌိကာနိ ဒီဃာနိ ယောဇနသတိကာနိပီ’တိ, ရုက္ခောပိ တာဝ နတ္ထိ ယောဇနသတိကော, ကုတော ပန အဋ္ဌိကာနိ ဒီဃာနိ ယောဇနသတိကာနိ ဘဝိဿန္တီ”တိ?
489
“တံ ကိံ မညသိ, မဟာရာဇ, သုတံ တေ ‘မဟာသမုဒ္ဒေ ပဉ္စယောဇနသတိကာပိ မစ္ဆာ အတ္ထီ’”တိ? “အာမ, ဘန္တေ, သုတန်”တိ. “နနု, မဟာရာဇ, ပဉ္စယောဇနသတိကဿ မစ္ဆဿ အဋ္ဌိကာနိ ဒီဃာနိ ဘဝိဿန္တိ ယောဇနသတိကာနိပီ”တိ?
490
“ကလ္လောသိ, ဘန္တေ နာဂသေနာ”တိ.
491
ဒီဃဋ္ဌိပဉှော ဒသမော.