3.7.2 ဗုဒ္ဓဂုဏသတိပဋိလာဘပဉှ
Review
95.
455
ရာဇာ အာဟ— “ဘန္တေ နာဂသေန, တုမှေ ဧတံ ဘဏထ— ‘ယော ဝဿသတံ အကုသလံ ကရေယျ, မရဏကာလေ စ ဧကံ ဗုဒ္ဓဂုဏံ သတိံ ပဋိလဘေယျ, သော ဒေဝေသု ဥပ္ပဇ္ဇေယျာ’တိ ဧတံ န သဒ္ဒဟာမိ, ဧဝဉ္စ ပန ဝဒေထ ‘ဧကေန ပါဏာတိပါတေန နိရယေ ဥပ္ပဇ္ဇေယျာ’တိ ဧတမ္ပိ န သဒ္ဒဟာမီ”တိ.
456
“တံ ကိံ မညသိ, မဟာရာဇ, ခုဒ္ဒကောပိ ပါသာဏော ဝိနာ နာဝါယ ဥဒကေ ဥပ္ပိလဝေယျာ”တိ. “န ဟိ, ဘန္တေ”တိ. “ကိံ နု ခေါ, မဟာရာဇ, ဝါဟသတမ္ပိ ပါသာဏာနံ နာဝါယ အာရောပိတံ ဥဒကေ ဥပ္ပိလဝေယျာ”တိ? “အာမ, ဘန္တေ”တိ. “ယထာ, မဟာရာဇ, နာဝါ, ဧဝံ ကုသလာနိ ကမ္မာနိ ဒဋ္ဌဗ္ဗာနီ”တိ.
457
“ကလ္လောသိ, ဘန္တေ နာဂသေနာ”တိ.
458
ဗုဒ္ဓဂုဏသတိပဋိလာဘပဉှော ဒုတိယော.