မာတိကာ
“ဘန္တေ နာဂသေန, ကတိဟင်္ဂေဟိ သမန္နာဂတော ဘိက္ခု အရဟတ္တံ သစ္ဆိကရောတီ”တိ?
“ဣဓ, မဟာရာဇ, အရဟတ္တံ သစ္ဆိကာတုကာမေန ဘိက္ခုနာ—
ဂဒြဘဿ ဧကံ အင်္ဂံ ဂဟေတဗ္ဗံ.
ကုက္ကုဋဿ ပဉ္စ အင်္ဂါနိ ဂဟေတဗ္ဗာနိ.
ကလန္ဒကဿ ဧကံ အင်္ဂံ ဂဟေတဗ္ဗံ.
ဒီပိနိယာ ဧကံ အင်္ဂံ ဂဟေတဗ္ဗံ.
ဒီပိကဿ ဒွေ အင်္ဂါနိ ဂဟေတဗ္ဗာနိ.
ကုမ္မဿ ပဉ္စ အင်္ဂါနိ ဂဟေတဗ္ဗာနိ.
ဝံသဿ ဧကံ အင်္ဂံ ဂဟေတဗ္ဗံ.
စာပဿ ဧကံ အင်္ဂံ ဂဟေတဗ္ဗံ.
ဝါယသဿ ဒွေ အင်္ဂါနိ ဂဟေတဗ္ဗာနိ.
မက္ကဋဿ ဒွေ အင်္ဂါနိ ဂဟေတဗ္ဗာနိ.
ဂဒြဘဝဂ္ဂေါ ပဌမော.
လာဗုလတာယ ဧကံ အင်္ဂံ ဂဟေတဗ္ဗံ.
ပဒုမဿ တီဏိ အင်္ဂါနိ ဂဟေတဗ္ဗာနိ.
ဗီဇဿ ဒွေ အင်္ဂါနိ ဂဟေတဗ္ဗာနိ.
သာလကလျာဏိကာယ ဧကံ အင်္ဂံ ဂဟေတဗ္ဗံ.
နာဝါယ တီဏိ အင်္ဂါနိ ဂဟေတဗ္ဗာနိ.
နာဝါလဂ္ဂနကဿ ဒွေ အင်္ဂါနိ ဂဟေတဗ္ဗာနိ.
ကူပဿ ဧကံ အင်္ဂံ ဂဟေတဗ္ဗံ.
နိယာမကဿ တီဏိ အင်္ဂါနိ ဂဟေတဗ္ဗာနိ.
ကမ္မကာရဿ ဧကံ အင်္ဂံ ဂဟေတဗ္ဗံ.
သမုဒ္ဒဿ ပဉ္စ အင်္ဂါနိ ဂဟေတဗ္ဗာနိ.
သမုဒ္ဒဝဂ္ဂေါ ဒုတိယော.
ပထဝိယာ ပဉ္စ အင်္ဂါနိ ဂဟေတဗ္ဗာနိ.
အာပဿ ပဉ္စ အင်္ဂါနိ ဂဟေတဗ္ဗာနိ.
တေဇဿ ပဉ္စ အင်္ဂါနိ ဂဟေတဗ္ဗာနိ.
ဝါယုဿ ပဉ္စ အင်္ဂါနိ ဂဟေတဗ္ဗာနိ.
ပဗ္ဗတဿ ပဉ္စ အင်္ဂါနိ ဂဟေတဗ္ဗာနိ.
အာကာသဿ ပဉ္စ အင်္ဂါနိ ဂဟေတဗ္ဗာနိ.
စန္ဒဿ ပဉ္စ အင်္ဂါနိ ဂဟေတဗ္ဗာနိ.
သူရိယဿ သတ္တ အင်္ဂါနိ ဂဟေတဗ္ဗာနိ.
သက္ကဿ တီဏိ အင်္ဂါနိ ဂဟေတဗ္ဗာနိ.
စက္ကဝတ္တိဿ စတ္တာရိ အင်္ဂါနိ ဂဟေတဗ္ဗာနိ.
ပထဝီဝဂ္ဂေါ တတိယော.
ဥပစိကာယ ဧကံ အင်္ဂံ ဂဟေတဗ္ဗံ.
ဗိဠာရဿ ဒွေ အင်္ဂါနိ ဂဟေတဗ္ဗာနိ.
ဥန္ဒူရဿ ဧကံ အင်္ဂံ ဂဟေတဗ္ဗံ.
ဝိစ္ဆိကဿ ဧကံ အင်္ဂံ ဂဟေတဗ္ဗံ.
နကုလဿ ဧကံ အင်္ဂံ ဂဟေတဗ္ဗံ.
ဇရသိင်္ဂါလဿ ဒွေ အင်္ဂါနိ ဂဟေတဗ္ဗာနိ.
မိဂဿ တီဏိ အင်္ဂါနိ ဂဟေတဗ္ဗာနိ.
ဂေါရူပဿ စတ္တာရိ အင်္ဂါနိ ဂဟေတဗ္ဗာနိ.
ဝရာဟဿ ဒွေ အင်္ဂါနိ ဂဟေတဗ္ဗာနိ.
ဟတ္ထိဿ ပဉ္စ အင်္ဂါနိ ဂဟေတဗ္ဗာနိ.
ဥပစိကာဝဂ္ဂေါ စတုတ္ထော.
သီဟဿ သတ္တ အင်္ဂါနိ ဂဟေတဗ္ဗာနိ.
စက္ကဝါကဿ တီဏိ အင်္ဂါနိ ဂဟေတဗ္ဗာနိ.
ပေဏာဟိကာယ ဒွေ အင်္ဂါနိ ဂဟေတဗ္ဗာနိ.
ဃရကပေါတဿ ဧကံ အင်္ဂံ ဂဟေတဗ္ဗံ.
ဥလူကဿ ဒွေ အင်္ဂါနိ ဂဟေတဗ္ဗာနိ.
သတပတ္တဿ ဧကံ အင်္ဂံ ဂဟေတဗ္ဗံ.
ဝဂ္ဂုလိဿ ဒွေ အင်္ဂါနိ ဂဟေတဗ္ဗာနိ.
ဇလူကာယ ဧကံ အင်္ဂံ ဂဟေတဗ္ဗံ.
သပ္ပဿ တီဏိ အင်္ဂါနိ ဂဟေတဗ္ဗာနိ.
အဇဂရဿ ဧကံ အင်္ဂံ ဂဟေတဗ္ဗံ.
သီဟဝဂ္ဂေါ ပဉ္စမော.
ပန္ထမက္ကဋကဿ ဧကံ အင်္ဂံ ဂဟေတဗ္ဗံ.
ထနသိတဒါရကဿ ဧကံ အင်္ဂံ ဂဟေတဗ္ဗံ.
စိတ္တကဓရကုမ္မဿ ဧကံ အင်္ဂံ ဂဟေတဗ္ဗံ.
ပဝနဿ ပဉ္စ အင်္ဂါနိ ဂဟေတဗ္ဗာနိ.
ရုက္ခဿ တီဏိ အင်္ဂါနိ ဂဟေတဗ္ဗာနိ.
မေဃဿ ပဉ္စ အင်္ဂါနိ ဂဟေတဗ္ဗာနိ.
မဏိရတနဿ တီဏိ အင်္ဂါနိ ဂဟေတဗ္ဗာနိ.
မာဂဝိကဿ စတ္တာရိ အင်္ဂါနိ ဂဟေတဗ္ဗာနိ.
ဗာဠိသိကဿ ဒွေ အင်္ဂါနိ ဂဟေတဗ္ဗာနိ.
တစ္ဆကဿ ဒွေ အင်္ဂါနိ ဂဟေတဗ္ဗာနိ.
မက္ကဋဝဂ္ဂေါ ဆဋ္ဌော.
ကုမ္ဘဿ ဧကံ အင်္ဂံ ဂဟေတဗ္ဗံ.
ကာဠာယသဿ ဒွေ အင်္ဂါနိ ဂဟေတဗ္ဗာနိ.
ဆတ္တဿ တီဏိ အင်္ဂါနိ ဂဟေတဗ္ဗာနိ.
ခေတ္တဿ တီဏိ အင်္ဂါနိ ဂဟေတဗ္ဗာနိ.
အဂဒဿ ဒွေ အင်္ဂါနိ ဂဟေတဗ္ဗာနိ.
ဘောဇနဿ တီဏိ အင်္ဂါနိ ဂဟေတဗ္ဗာနိ.
ဣဿာသဿ စတ္တာရိ အင်္ဂါနိ ဂဟေတဗ္ဗာနိ.
ကုမ္ဘဝဂ္ဂေါ သတ္တမော.
ရညော စတ္တာရိ အင်္ဂါနိ ဂဟေတဗ္ဗာနိ.
ဒေါဝါရိကဿ ဒွေ အင်္ဂါနိ ဂဟေတဗ္ဗာနိ.
နိသဒါယ ဧကံ အင်္ဂံ ဂဟေတဗ္ဗံ.
ပဒီပဿ ဒွေ အင်္ဂါနိ ဂဟေတဗ္ဗာနိ.
မယူရဿ ဒွေ အင်္ဂါနိ ဂဟေတဗ္ဗာနိ.
တုရင်္ဂဿ ဒွေ အင်္ဂါနိ ဂဟေတဗ္ဗာနိ.
သောဏ္ဍိကဿ ဒွေ အင်္ဂါနိ ဂဟေတဗ္ဗာနိ.
ဣန္ဒခီလဿ ဒွေ အင်္ဂါနိ ဂဟေတဗ္ဗာနိ.
တုလာယ ဧကံ အင်္ဂံ ဂဟေတဗ္ဗံ.
ခဂ္ဂဿ ဒွေ အင်္ဂါနိ ဂဟေတဗ္ဗာနိ.
မစ္ဆဿ ဒွေ အင်္ဂါနိ ဂဟေတဗ္ဗာနိ.
ဣဏဂ္ဂါဟကဿ ဧကံ အင်္ဂံ ဂဟေတဗ္ဗံ.
ဗျာဓိတဿ ဒွေ အင်္ဂါနိ ဂဟေတဗ္ဗာနိ.
မတဿ ဒွေ အင်္ဂါနိ ဂဟေတဗ္ဗာနိ.
နဒိယာ ဒွေ အင်္ဂါနိ ဂဟေတဗ္ဗာနိ.
ဥသဘဿ ဧကံ အင်္ဂံ ဂဟေတဗ္ဗံ.
မဂ္ဂဿ ဒွေ အင်္ဂါနိ ဂဟေတဗ္ဗာနိ.
သုင်္ကသာယိကဿ ဧကံ အင်္ဂံ ဂဟေတဗ္ဗံ.
စောရဿ တီဏိ အင်္ဂါနိ ဂဟေတဗ္ဗာနိ.
သကုဏဂ္ဃိယာ ဧကံ အင်္ဂံ ဂဟေတဗ္ဗံ.
သုနခဿ ဧကံ အင်္ဂံ ဂဟေတဗ္ဗံ.
တိကိစ္ဆကဿ တီဏိ အင်္ဂါနိ ဂဟေတဗ္ဗာနိ.
ဂဗ္ဘိနိယာ ဒွေ အင်္ဂါနိ ဂဟေတဗ္ဗာနိ.
စမရိယာ ဧကံ အင်္ဂံ ဂဟေတဗ္ဗံ.
ကိကိယာ ဒွေ အင်္ဂါနိ ဂဟေတဗ္ဗာနိ.
ကပေါတိကာယ တီဏိ အင်္ဂါနိ ဂဟေတဗ္ဗာနိ.
ဧကနယနဿ ဒွေ အင်္ဂါနိ ဂဟေတဗ္ဗာနိ.
ကဿကဿ တီဏိ အင်္ဂါနိ ဂဟေတဗ္ဗာနိ.
ဇမ္ဗုကသိင်္ဂါလိယာ ဧကံ အင်္ဂံ ဂဟေတဗ္ဗံ.
စင်္ဂဝါရကဿ ဒွေ အင်္ဂါနိ ဂဟေတဗ္ဗာနိ.
ဒဗ္ဗိယာ ဧကံ အင်္ဂံ ဂဟေတဗ္ဗံ.
ဣဏသာဓကဿ တီဏိ အင်္ဂါနိ ဂဟေတဗ္ဗာနိ.
အနုဝိစိနကဿ ဧကံ အင်္ဂံ ဂဟေတဗ္ဗံ.
သာရထိဿ ဒွေ အင်္ဂါနိ ဂဟေတဗ္ဗာနိ.
ဘောဇကဿ ဒွေ အင်္ဂါနိ ဂဟေတဗ္ဗာနိ.
တုန္နဝါယဿ ဧကံ အင်္ဂံ ဂဟေတဗ္ဗံ.
နာဝိကဿ ဧကံ အင်္ဂံ ဂဟေတဗ္ဗံ.
ဘမရဿ ဒွေ အင်္ဂါနိ ဂဟေတဗ္ဗာနီ”တိ.
မာတိကာ နိဋ္ဌိတာ.