1 သင်္ဂဟဝါရ
Review
0.
2
ယံ လောကော ပူဇယတေ,
သလောကပါလော သဒါ နမဿတိ စ;
တဿေတ သာသနဝရံ,
ဝိဒူဟိ ဉေယျံ နရဝရဿ.
3
ဒွါဒသ ပဒါနိ သုတ္တံ,
တံ သဗ္ဗံ ဗျဉ္ဇနဉ္စ အတ္ထော စ;
တံ ဝိညေယျံ ဥဘယံ,
ကော အတ္ထော ဗျဉ္ဇနံ ကတမံ.
4
သောဠသဟာရာ နေတ္တိ,
ပဉ္စနယာ သာသနဿ ပရိယေဋ္ဌိ;
အဋ္ဌာရသမူလပဒါ,
မဟကစ္စာနေန နိဒ္ဒိဋ္ဌာ.
5
ဟာရာ ဗျဉ္ဇနဝိစယော,
သုတ္တဿ နယာ တယော စ သုတ္တတ္ထော;
ဥဘယံ ပရိဂ္ဂဟီတံ,_
ဝုစ္စတိ သုတ္တံ ယထာသုတ္တံ.
6
ယာ စေဝ ဒေသနာ ယဉ္စ,
ဒေသိတံ ဥဘယမေဝ ဝိညေယျံ;
တတြာယမာနုပုဗ္ဗီ,
နဝဝိဓသုတ္တန္တပရိယေဋ္ဌီတိ.
7
သင်္ဂဟဝါရော.