3.2 နယသင်္ခေပ
Review
41
တဏှဉ္စ အဝိဇ္ဇမ္ပိ စ,
သမထေန ဝိပဿနာယ ယော နေတိ;
သစ္စေဟိ ယောဇယိတွာ,
အယံ နယော နန္ဒိယာဝဋ္ဋော .
42
ယော အကုသလေ သမူလေဟိ,
နေတိ ကုသလေ စ ကုသလမူလေဟိ;
ဘူတံ တထံ အဝိတထံ,
တိပုက္ခလံ တံ နယံ အာဟု.
43
ယော နေတိ ဝိပလ္လာသေဟိ,
ကိလေသေ ဣန္ဒြိယေဟိ သဒ္ဓမ္မေ;
ဧတံ နယံ နယဝိဒူ,
သီဟဝိက္ကီဠိတံ အာဟု.
44
ဝေယျာကရဏေသု ဟိ ယေ,
ကုသလာကုသလာ တဟိံ တဟိံ ဝုတ္တာ;
မနသာ ဝေါလောကယတေ,
တံ ခု ဒိသာလောစနံ အာဟု.
45
ဩလောကေတွာ ဒိသလောစနေန,
ဥက္ခိပိယ ယံ သမာနေတိ;_
သဗ္ဗေ ကုသလာကုသလေ,
အယံ နယော အင်္ကုသော နာမ.
46
သောဠသ ဟာရာ ပဌမံ,
ဒိသလောစနတော ဒိသာ ဝိလောကေတွာ;
သင်္ခိပိယ အင်္ကုသေန ဟိ,
နယေဟိ တီဟိ နိဒ္ဒိသေ သုတ္တံ.