1.1.42 ပရိယောဂါဟဏဉာဏနိဒ္ဒေသ
Review
- ဉာဏကထာ
93.
606
ကထံ ဖုဋ္ဌတ္တာ ပညာ ပရိယောဂါဟဏေ ဉာဏံ? ရူပံ အနိစ္စတော ဖုသတိ, ရူပံ ဒုက္ခတော ဖုသတိ, ရူပံ အနတ္တတော ဖုသတိ. ယံ ယံ ဖုသတိ တံ တံ ပရိယောဂဟတီတိ— ဖုဋ္ဌတ္တာ ပညာ ပရိယောဂါဟဏေ ဉာဏံ. ဝေဒနံ …ပေ… သညံ… သင်္ခါရေ… ဝိညာဏံ… စက္ခုံ …ပေ… ဇရာမရဏံ အနိစ္စတော ဖုသတိ, ဒုက္ခတော ဖုသတိ, အနတ္တတော ဖုသတိ. ယံ ယံ ဖုသတိ တံ တံ ပရိယောဂဟတီတိ— ဖုဋ္ဌတ္တာ ပညာ ပရိယောဂါဟဏေ ဉာဏံ. တံ ဉာတဋ္ဌေန ဉာဏံ, ပဇာနနဋ္ဌေန ပညာ. တေန ဝုစ္စတိ— “ဖုဋ္ဌတ္တာ ပညာ ပရိယောဂါဟဏေ ဉာဏံ”.
607
ပရိယောဂါဟဏဉာဏနိဒ္ဒေသော ဒွေစတ္တာလီသမော.