1.3 ပူတိမုခပေတဝတ္ထု
Review
7.
10
“ဒိဗ္ဗံ သုဘံ ဓာရေသိ ဝဏ္ဏဓာတုံ,
ဝေဟာယသံ တိဋ္ဌသိ အန္တလိက္ခေ;
မုခဉ္စ တေ ကိမယော ပူတိဂန္ဓံ,
ခါဒန္တိ ကိံ ကမ္မမကာသိ ပုဗ္ဗေ”.
8.
11
“သမဏော အဟံ ပါပေါတိဒုဋ္ဌဝါစော,
တပဿိရူပေါ မုခသာ အသညတော;
လဒ္ဓါ စ မေ တပသာ ဝဏ္ဏဓာတု,
မုခဉ္စ မေ ပေသုဏိယေန ပူတိ.
9.
12
တယိဒံ တယာ နာရဒ သာမံ ဒိဋ္ဌံ,
အနုကမ္ပကာ ယေ ကုသလာ ဝဒေယျုံ;
‘မာ ပေသုဏံ မာ စ မုသာ အဘာဏိ,
ယက္ခော တုဝံ ဟောဟိသိ ကာမကာမီ’”တိ.
13
ပူတိမုခပေတဝတ္ထု တတိယံ.