1.4 ပိဋ္ဌဓီတလိကပေတဝတ္ထု
Review
10.
14
“ယံ ကိဉ္စာရမ္မဏံ ကတွာ,
ဒဇ္ဇာ ဒါနံ အမစ္ဆရီ;
ပုဗ္ဗပေတေ စ အာရဗ္ဘ,
အထ ဝါ ဝတ္ထုဒေဝတာ.
11.
15
စတ္တာရော စ မဟာရာဇေ,
လောကပါလေ ယသဿိနေ;
ကုဝေရံ ဓတရဋ္ဌဉ္စ,
ဝိရူပက္ခံ ဝိရူဠှကံ;
တေ စေဝ ပူဇိတာ ဟောန္တိ,
ဒါယကာ စ အနိပ္ဖလာ.
12.
16
န ဟိ ရုဏ္ဏံ ဝါ သောကော ဝါ,
ယာ စညာ ပရိဒေဝနာ;
န တံ ပေတဿ အတ္ထာယ,
ဧဝံ တိဋ္ဌန္တိ ဉာတယော.
13.
17
အယဉ္စ ခေါ ဒက္ခိဏာ ဒိန္နာ,
သံဃမှိ သုပ္ပတိဋ္ဌိတာ;
ဒီဃရတ္တံ ဟိတာယဿ,
ဌာနသော ဥပကပ္ပတီ”တိ.
18
ပိဋ္ဌဓီတလိကပေတဝတ္ထု စတုတ္ထံ.