1.9 မဟာပေသကာရပေတိဝတ္ထု
Review
54.
63
“ဂူထဉ္စ မုတ္တံ ရုဟိရဉ္စ ပုဗ္ဗံ,
ပရိဘုဉ္ဇတိ ကိဿ အယံ ဝိပါကော;
အယံ နု ကိံ ကမ္မမကာသိ နာရီ,
ယာ သဗ္ဗဒါ လောဟိတပုဗ္ဗဘက္ခာ.
55.
64
နဝါနိ ဝတ္ထာနိ သုဘာနိ စေဝ,
မုဒူနိ သုဒ္ဓါနိ စ လောမသာနိ;
ဒိန္နာနိမိဿာ ကိတကာ ဘဝန္တိ,
အယံ နု ကိံ ကမ္မမကာသိ နာရီ”တိ.
56.
65
“ဘရိယာ မမေသာ အဟူ ဘဒန္တေ,
အဒါယိကာ မစ္ဆရိနီ ကဒရိယာ;
သာ မံ ဒဒန္တံ သမဏဗြာဟ္မဏာနံ,
အက္ကောသတိ စ ပရိဘာသတိ စ.
57.
66
‘ဂူထဉ္စ မုတ္တံ ရုဟိရဉ္စ ပုဗ္ဗံ,
ပရိဘုဉ္ဇ တွံ အသုစိံ သဗ္ဗကာလံ;
ဧတံ တေ ပရလောကသ္မိံ ဟောတု,
ဝတ္ထာ စ တေ ကိတကသမာ ဘဝန္တု’;
ဧတာဒိသံ ဒုစ္စရိတံ စရိတွာ,
ဣဓာဂတာ စိရရတ္တာယ ခါဒတီ”တိ._
67
မဟာပေသကာရပေတိဝတ္ထု နဝမံ.