4.12 အမ္ဗဝနပေတဝတ္ထု
Review
796.
855
“အယဉ္စ တေ ပေါက္ခရဏီ သုရမ္မာ,
သမာ သုတိတ္ထာ စ မဟောဒကာ စ;
သုပုပ္ဖိတာ ဘမရဂဏာနုကိဏ္ဏာ,
ကထံ တယာ လဒ္ဓါ အယံ မနုညာ.
797.
856
ဣဒဉ္စ တေ အမ္ဗဝနံ သုရမ္မံ,_
သဗ္ဗောတုကံ ဓာရယတေ ဖလာနိ;
သုပုပ္ဖိတံ ဘမရဂဏာနုကိဏ္ဏံ,
ကထံ တယာ လဒ္ဓမိဒံ ဝိမာနံ”.
798.
857
“အမ္ဗပက္ကံ ဒကံ ယာဂု,
သီတစ္ဆာယာ မနောရမာ;
ဓီတာယ ဒိန္နဒါနေန,
တေန မေ ဣဓ လဗ္ဘတိ”.
799.
858
“သန္ဒိဋ္ဌိကံ ကမ္မံ ဧဝံ ပဿထ,
ဒါနဿ ဒမဿ သံယမဿ ဝိပါကံ;
ဒါသီ အဟံ အယျကုလေသု ဟုတွာ,
သုဏိသာ ဟောမိ အဂါရဿ ဣဿရာ”တိ.
859
အမ္ဗဝနပေတဝတ္ထု ဒွါဒသမံ.