4.9 ဂူထခါဒကပေတိဝတ္ထု
Review
774.
830
“ဂူထကူပတော ဥဂ္ဂန္တွာ,
ကာ နု ဒီနာ ပတိဋ္ဌသိ;
နိဿံသယံ ပါပကမ္မန္တာ,
ကိံ နု သဒ္ဒဟသေ တုဝန်”တိ.
775.
831
“အဟံ ဘဒန္တေ ပေတီမှိ,
ဒုဂ္ဂတာ ယမလောကိကာ;
ပါပကမ္မံ ကရိတွာန,
ပေတလောကံ ဣတော ဂတာ”တိ.
776.
832
“ကိံ နု ကာယေန ဝါစာယ,
မနသာ ဒုက္ကဋံ ကတံ;
ကိဿ ကမ္မဝိပါကေန,
ဣဒံ ဒုက္ခံ နိဂစ္ဆသီ”တိ._
777.
833
“အဟု အာဝါသိကော မယှံ,
ဣဿုကီ ကုလမစ္ဆရီ;_
အဇ္ဈာသိတော မယှံ ဃရေ,
ကဒရိယော ပရိဘာသကော.
778.
834
တဿာဟံ ဝစနံ သုတွာ,
ဘိက္ခဝေါ ပရိဘာသိသံ;
တဿ ကမ္မဝိပါကေန,
ပေတလောကံ ဣတော ဂတာ”တိ.
779.
835
“အမိတ္တော မိတ္တဝဏ္ဏေန,
ယော တေ အာသိ ကုလူပကော;
ကာယဿ ဘေဒါ ဒုပ္ပညော,
ကိံ နု ပေစ္စ ဂတိံ ဂတော”တိ.
780.
836
“တဿေဝါဟံ ပါပကမ္မဿ,
သီသေ တိဋ္ဌာမိ မတ္ထကေ;
သော စ ပရဝိသယံ ပတ္တော,
မမေဝ ပရိစာရကော.
781.
837
ယံ ဘဒန္တေ ဟဒန္တညေ,
ဧတံ မေ ဟောတိ ဘောဇနံ;
အဟဉ္စ ခေါ ယံ ဟဒါမိ,
ဧတံ သော ဥပဇီဝတီ”တိ.
838
ဂူထခါဒကပေတိဝတ္ထု နဝမံ.