2.3 ဟိရိသုတ္တ
Review
256.
294
ဟိရိံ တရန္တံ ဝိဇိဂုစ္ဆမာနံ,
တဝါဟမသ္မိ ဣတိ ဘာသမာနံ;
သယှာနိ ကမ္မာနိ အနာဒိယန္တံ,
နေသော မမန္တိ ဣတိ နံ ဝိဇညာ. (1)
257.
295
အနနွယံ ပိယံ ဝါစံ,
ယော မိတ္တေသု ပကုဗ္ဗတိ;
အကရောန္တံ ဘာသမာနံ,
ပရိဇာနန္တိ ပဏ္ဍိတာ. (2)
258.
296
န သော မိတ္တော ယော သဒါ အပ္ပမတ္တော,
ဘေဒါသင်္ကီ ရန္ဓမေဝါနုပဿီ;
ယသ္မိဉ္စ သေတိ ဥရသီဝ ပုတ္တော,
သ ဝေ မိတ္တော ယော ပရေဟိ အဘေဇ္ဇော. (3)
259.
297
ပါမုဇ္ဇကရဏံ ဌာနံ,
ပသံသာဝဟနံ သုခံ;
ဖလာနိသံသော ဘာဝေတိ,
ဝဟန္တော ပေါရိသံ ဓုရံ. (4)
260.
298
ပဝိဝေကရသံ ပိတွာ,
ရသံ ဥပသမဿ စ;
နိဒ္ဒရော ဟောတိ နိပ္ပါပေါ,
ဓမ္မပီတိရသံ ပိဝန္တိ. (5)
299
ဟိရိသုတ္တံ တတိယံ.