5.10 ကပ္ပမာဏဝပုစ္ဆာ
Review
1099.
1294
“မဇ္ဈေ သရသ္မိံ တိဋ္ဌတံ, (ဣစ္စာယသ္မာ ကပ္ပေါ)
ဩဃေ ဇာတေ မဟဗ္ဘယေ;
ဇရာမစ္စုပရေတာနံ,
ဒီပံ ပဗြူဟိ မာရိသ;
တွဉ္စ မေ ဒီပမက္ခာဟိ,
ယထာယိဒံ နာပရံ သိယာ”. (1)
1100.
1295
“မဇ္ဈေ သရသ္မိံ တိဋ္ဌတံ, (ကပ္ပါတိ ဘဂဝါ)
ဩဃေ ဇာတေ မဟဗ္ဘယေ;
ဇရာမစ္စုပရေတာနံ,
ဒီပံ ပဗြူမိ ကပ္ပ တေ. (2)
1101.
1296
အကိဉ္စနံ အနာဒါနံ,
ဧတံ ဒီပံ အနာပရံ;
နိဗ္ဗာနံ ဣတိ နံ ဗြူမိ,
ဇရာမစ္စုပရိက္ခယံ. (3)
1102.
1297
ဧတဒညာယ ယေ သတာ,
ဒိဋ္ဌဓမ္မာဘိနိဗ္ဗုတာ;
န တေ မာရဝသာနုဂါ,
န တေ မာရဿ ပဒ္ဓဂူ”တိ. (4)
1298
ကပ္ပမာဏဝပုစ္ဆာ ဒသမာ.