5.12 ဘဒြာဝုဓမာဏဝပုစ္ဆာ
Review
1108.
1305
“ဩကဉ္ဇဟံ တဏှစ္ဆိဒံ အနေဇံ, (ဣစ္စာယသ္မာ ဘဒြာဝုဓော)
နန္ဒိဉ္ဇဟံ ဩဃတိဏ္ဏံ ဝိမုတ္တံ;
ကပ္ပဉ္ဇဟံ အဘိယာစေ သုမေဓံ,
သုတွာန နာဂဿ အပနမိဿန္တိ ဣတော. (1)
1109.
1306
နာနာဇနာ ဇနပဒေဟိ သင်္ဂတာ,
တဝ ဝီရ ဝါကျံ အဘိကင်္ခမာနာ;
တေသံ တုဝံ သာဓု ဝိယာကရောဟိ,
တထာ ဟိ တေ ဝိဒိတော ဧသ ဓမ္မော”. (2)
1110.
1307
“အာဒါနတဏှံ ဝိနယေထ သဗ္ဗံ, (ဘဒြာဝုဓာတိ ဘဂဝါ)
ဥဒ္ဓံ အဓော တိရိယဉ္စာပိ မဇ္ဈေ;_
ယံ ယဉှိ လောကသ္မိမုပါဒိယန္တိ,
တေနေဝ မာရော အနွေတိ ဇန္တုံ. (3)
1111.
1308
တသ္မာ ပဇာနံ န ဥပါဒိယေထ,
ဘိက္ခု သတော ကိဉ္စနံ သဗ္ဗလောကေ;
အာဒါနသတ္တေ ဣတိ ပေက္ခမာနော,
ပဇံ ဣမံ မစ္စုဓေယျေ ဝိသတ္တန်”တိ. (4)
1309
ဘဒြာဝုဓမာဏဝပုစ္ဆာ ဒွါဒသမာ.