5.14 ပေါသာလမာဏဝပုစ္ဆာ
Review
1119.
1318
“ယော အတီတံ အာဒိသတိ, (ဣစ္စာယသ္မာ ပေါသာလော)
အနေဇော ဆိန္နသံသယော;
ပါရဂုံ သဗ္ဗဓမ္မာနံ,
အတ္ထိ ပဉှေန အာဂမံ. (1)
1120.
1319
ဝိဘူတရူပသညိဿ,
သဗ္ဗကာယပ္ပဟာယိနော;
အဇ္ဈတ္တဉ္စ ဗဟိဒ္ဓါ စ,
နတ္ထိ ကိဉ္စီတိ ပဿတော;
ဉာဏံ သက္ကာနုပုစ္ဆာမိ,
ကထံ နေယျော တထာဝိဓော”. (2)
1121.
1320
“ဝိညာဏဋ္ဌိတိယော သဗ္ဗာ, (ပေါသာလာတိ ဘဂဝါ)
အဘိဇာနံ တထာဂတော;
တိဋ္ဌန္တမေနံ ဇာနာတိ,
ဝိမုတ္တံ တပ္ပရာယဏံ. (3)
1122.
1321
အာကိဉ္စညသမ္ဘဝံ ဉတွာ,
နန္ဒီ သံယောဇနံ ဣတိ;
ဧဝမေတံ အဘိညာယ,
တတော တတ္ထ ဝိပဿတိ;
ဧတံ ဉာဏံ တထံ တဿ,
ဗြာဟ္မဏဿ ဝုသီမတော”တိ. (4)
1322
ပေါသာလမာဏဝပုစ္ဆာ စုဒ္ဒသမာ.