5.16 ပိင်္ဂိယမာဏဝပုစ္ဆာ
Review
1127.
1328
“ဇိဏ္ဏောဟမသ္မိ အဗလော ဝီတဝဏ္ဏော, (ဣစ္စာယသ္မာ ပိင်္ဂိယော)
နေတ္တာ န သုဒ္ဓါ သဝနံ န ဖာသု;
မာဟံ နဿံ မောမုဟော အန္တရာဝ,
အာစိက္ခ ဓမ္မံ ယမဟံ ဝိဇညံ;
ဇာတိဇရာယ ဣဓ ဝိပ္ပဟာနံ”. (1)
1128.
1329
“ဒိသွာန ရူပေသု ဝိဟညမာနေ, (ပိင်္ဂိယာတိ ဘဂဝါ)
ရုပ္ပန္တိ ရူပေသု ဇနာ ပမတ္တာ;
တသ္မာ တုဝံ ပိင်္ဂိယ အပ္ပမတ္တော,
ဇဟဿု ရူပံ အပုနဗ္ဘဝါယ”. (2)
1129.
1330
“ဒိသာ စတဿော ဝိဒိသာ စတဿော,
ဥဒ္ဓံ အဓော ဒသ ဒိသာ ဣမာယော;_
န တုယှံ အဒိဋ္ဌံ အသုတံ အမုတံ,
အထော အဝိညာတံ ကိဉ္စနမတ္ထိ လောကေ;
အာစိက္ခ ဓမ္မံ ယမဟံ ဝိဇညံ,
ဇာတိဇရာယ ဣဓ ဝိပ္ပဟာနံ”. (3)
1130.
1331
“တဏှာဓိပန္နေ မနုဇေ ပေက္ခမာနော, (ပိင်္ဂိယာတိ ဘဂဝါ)
သန္တာပဇာတေ ဇရသာ ပရေတေ;
တသ္မာ တုဝံ ပိင်္ဂိယ အပ္ပမတ္တော,
ဇဟဿု တဏှံ အပုနဗ္ဘဝါယာ”တိ. (4)
1332
ပိင်္ဂိယမာဏဝပုစ္ဆာ သောဠသမာ.