5.5 ဓောတကမာဏဝပုစ္ဆာ
“ပုစ္ဆာမိ တံ ဘဂဝါ ဗြူဟိ မေတံ, (ဣစ္စာယသ္မာ ဓောတကော)
ဝါစာဘိကင်္ခါမိ မဟေသိ တုယှံ;
တဝ သုတွာန နိဂ္ဃေါသံ,
သိက္ခေ နိဗ္ဗာနမတ္တနော”. (1)
“တေနဟာတပ္ပံ ကရောဟိ, (ဓောတကာတိ ဘဂဝါ)
ဣဓေဝ နိပကော သတော;_
ဣတော သုတွာန နိဂ္ဃေါသံ,_
သိက္ခေ နိဗ္ဗာနမတ္တနော”. (2)
“ပဿာမဟံ ဒေဝမနုဿလောကေ,
အကိဉ္စနံ ဗြာဟ္မဏမိရိယမာနံ;
တံ တံ နမဿာမိ သမန္တစက္ခု,
ပမုဉ္စ မံ သက္က ကထံကထာဟိ”. (3)
“နာဟံ သဟိဿာမိ ပမောစနာယ,
ကထံကထိံ ဓောတက ကဉ္စိ လောကေ;
ဓမ္မဉ္စ သေဋ္ဌံ အဘိဇာနမာနော,
ဧဝံ တုဝံ ဩဃမိမံ တရေသိ”. (4)
“အနုသာသ ဗြဟ္မေ ကရုဏာယမာနော,
ဝိဝေကဓမ္မံ ယမဟံ ဝိဇညံ;
ယထာဟံ အာကာသောဝ အဗျာပဇ္ဇမာနော,
ဣဓေဝ သန္တော အသိတော စရေယျံ”. (5)_
“ကိတ္တယိဿာမိ တေ သန္တိံ, (ဓောတကာတိ ဘဂဝါ)
ဒိဋ္ဌေ ဓမ္မေ အနီတိဟံ;
ယံ ဝိဒိတွာ သတော စရံ,
တရေ လောကေ ဝိသတ္တိကံ”. (6)
“တဉ္စာဟံ အဘိနန္ဒာမိ,
မဟေသိ သန္တိမုတ္တမံ;
ယံ ဝိဒိတွာ သတော စရံ,
တရေ လောကေ ဝိသတ္တိကံ”. (7)
“ယံ ကိဉ္စိ သမ္ပဇာနာသိ, (ဓောတကာတိ ဘဂဝါ)
ဥဒ္ဓံ အဓော တိရိယဉ္စာပိ မဇ္ဈေ;_
ဧတံ ဝိဒိတွာ သင်္ဂေါတိ လောကေ,
ဘဝါဘဝါယ မာကာသိ တဏှန်”တိ. (8)
ဓောတကမာဏဝပုစ္ဆာ ပဉ္စမီ.