5.8 ဟေမကမာဏဝပုစ္ဆာ
Review
1091.
1284
“ယေ မေ ပုဗ္ဗေ ဝိယာကံသု, (ဣစ္စာယသ္မာ ဟေမကော)
ဟုရံ ဂေါတမသာသနာ;
ဣစ္စာသိ ဣတိ ဘဝိဿတိ,_
သဗ္ဗံ တံ ဣတိဟီတိဟံ;
သဗ္ဗံ တံ တက္ကဝဍ္ဎနံ,
နာဟံ တတ္ထ အဘိရမိံ. (1)
1092.
1285
တွဉ္စ မေ ဓမ္မမက္ခာဟိ,
တဏှာနိဂ္ဃါတနံ မုနိ;
ယံ ဝိဒိတွာ သတော စရံ,
တရေ လောကေ ဝိသတ္တိကံ”. (2)
1093.
1286
“ဣဓ ဒိဋ္ဌသုတမုတဝိညာတေသု,
ပိယရူပေသု ဟေမက;
ဆန္ဒရာဂဝိနောဒနံ,
နိဗ္ဗာနပဒမစ္စုတံ. (3)
1094.
1287
ဧတဒညာယ ယေ သတာ,
ဒိဋ္ဌဓမ္မာဘိနိဗ္ဗုတာ;
ဥပသန္တာ စ တေ သဒါ,_
တိဏ္ဏာ လောကေ ဝိသတ္တိကန်”တိ. (4)
1288
ဟေမကမာဏဝပုစ္ဆာ အဋ္ဌမာ.