5.9 တောဒေယျမာဏဝပုစ္ဆာ
Review
1095.
1289
“ယသ္မိံ ကာမာ န ဝသန္တိ, (ဣစ္စာယသ္မာ တောဒေယျော)
တဏှာ ယဿ န ဝိဇ္ဇတိ;
ကထံကထာ စ ယော တိဏ္ဏော,
ဝိမောက္ခော တဿ ကီဒိသော”. (1)
1096.
1290
“ယသ္မိံ ကာမာ န ဝသန္တိ, (တောဒေယျာတိ ဘဂဝါ)
တဏှာ ယဿ န ဝိဇ္ဇတိ;
ကထံကထာ စ ယော တိဏ္ဏော,
ဝိမောက္ခော တဿ နာပရော”. (2)
1097.
1291
“နိရာသသော သော ဥဒ အာသသာနော,
ပညာဏဝါ သော ဥဒ ပညကပ္ပီ;
မုနိံ အဟံ သက္က ယထာ ဝိဇညံ,
တံ မေ ဝိယာစိက္ခ သမန္တစက္ခု”. (3)
1098.
1292
“နိရာသသော သော န စ အာသသာနော,
ပညာဏဝါ သော န စ ပညကပ္ပီ;
ဧဝမ္ပိ တောဒေယျ မုနိံ ဝိဇာန,
အကိဉ္စနံ ကာမဘဝေ အသတ္တန်”တိ. (4)
1293
တောဒေယျမာဏဝပုစ္ဆာ နဝမာ.