5.10 စူဠပန္ထကသုတ္တ
Review
50.
449
ဧဝံ မေ သုတံ— ဧကံ သမယံ ဘဂဝါ သာဝတ္ထိယံ ဝိဟရတိ ဇေတဝနေ အနာထပိဏ္ဍိကဿ အာရာမေ. တေန ခေါ ပန သမယေန အာယသ္မာ စူဠပန္ထကော ဘဂဝတော အဝိဒူရေ နိသိန္နော ဟောတိ ပလ္လင်္ကံ အာဘုဇိတွာ ဥဇုံ ကာယံ ပဏိဓာယ ပရိမုခံ သတိံ ဥပဋ္ဌပေတွာ.
450
အဒ္ဒသာ ခေါ ဘဂဝါ အာယသ္မန္တံ စူဠပန္ထကံ အဝိဒူရေ နိသိန္နံ ပလ္လင်္ကံ အာဘုဇိတွာ ဥဇုံ ကာယံ ပဏိဓာယ ပရိမုခံ သတိံ ဥပဋ္ဌပေတွာ.
451
အထ ခေါ ဘဂဝါ ဧတမတ္ထံ ဝိဒိတွာ တာယံ ဝေလာယံ ဣမံ ဥဒါနံ ဥဒါနေသိ—
452
“ဌိတေန ကာယေန ဌိတေန စေတသာ,
တိဋ္ဌံ နိသိန္နော ဥဒ ဝါ သယာနော;
ဧတံ သတိံ ဘိက္ခု အဓိဋ္ဌဟာနော,
လဘေထ ပုဗ္ဗာပရိယံ ဝိသေသံ;
လဒ္ဓါန ပုဗ္ဗာပရိယံ ဝိသေသံ,
အဒဿနံ မစ္စုရာဇဿ ဂစ္ဆေ”တိ. (61)
453
ဒသမံ.
454
သောဏဝဂ္ဂေါ ပဉ္စမော.
455
တဿုဒ္ဒါနံ
456
ပိယော အပ္ပါယုကာ ကုဋ္ဌီ,
ကုမာရကာ ဥပေါသထော;
သောဏော စ ရေဝတော ဘေဒေါ,
သဓာယ ပန္ထကေန စာတိ.