7.6 တဏှာသင်္ခယသုတ္တ
Review
66.
630
ဧဝံ မေ သုတံ— ဧကံ သမယံ ဘဂဝါ သာဝတ္ထိယံ ဝိဟရတိ ဇေတဝနေ အနာထပိဏ္ဍိကဿ အာရာမေ. တေန ခေါ ပန သမယေန အာယသ္မာ အညာသိကောဏ္ဍညော ဘဂဝတော အဝိဒူရေ နိသိန္နော ဟောတိ ပလ္လင်္ကံ အာဘုဇိတွာ ဥဇုံ ကာယံ ပဏိဓာယ တဏှာသင်္ခယဝိမုတ္တိံ ပစ္စဝေက္ခမာနော.
631
အဒ္ဒသာ ခေါ ဘဂဝါ အာယသ္မန္တံ အညာသိကောဏ္ဍညံ အဝိဒူရေ နိသိန္နံ ပလ္လင်္ကံ အာဘုဇိတွာ ဥဇုံ ကာယံ ပဏိဓာယ တဏှာသင်္ခယဝိမုတ္တိံ ပစ္စဝေက္ခမာနံ.
632
အထ ခေါ ဘဂဝါ ဧတမတ္ထံ ဝိဒိတွာ တာယံ ဝေလာယံ ဣမံ ဥဒါနံ ဥဒါနေသိ—
633
“ယဿ မူလံ ဆမာ နတ္ထိ,
ပဏ္ဏာ နတ္ထိ ကုတော လတာ;
တံ ဓီရံ ဗန္ဓနာ မုတ္တံ,
ကော တံ နိန္ဒိတုမရဟတိ;
ဒေဝါပိ နံ ပသံသန္တိ,
ဗြဟ္မုနာပိ ပသံသိတော”တိ. (79)
634
ဆဋ္ဌံ.