2.2.1 ပဌမအဂါရိယဝိမာနဝတ္ထု
Review
1048.
896
“ယထာ ဝနံ စိတ္တလတံ ပဘာသတိ,
ဥယျာနသေဋ္ဌံ တိဒသာနမုတ္တမံ;_
တထူပမံ တုယှမိဒံ ဝိမာနံ,
ဩဘာသယံ တိဋ္ဌတိ အန္တလိက္ခေ.
1049.
897
ဒေဝိဒ္ဓိပတ္တောသိ မဟာနုဘာဝေါ,
မနုဿဘူတော ကိမကာသိ ပုညံ;
ကေနာသိ ဧဝံ ဇလိတာနုဘာဝေါ,
ဝဏ္ဏော စ တေ သဗ္ဗဒိသာ ပဘာသတီ”တိ.
1050.
898
သော ဒေဝပုတ္တော အတ္တမနော,
မောဂ္ဂလ္လာနေန ပုစ္ဆိတော;
ပဉှံ ပုဋ္ဌော ဝိယာကာသိ,
ယဿ ကမ္မဿိဒံ ဖလံ.
1051.
899
“အဟဉ္စ ဘရိယာ စ မနုဿလောကေ,
ဩပါနဘူတာ ဃရမာဝသိမှ;
အန္နဉ္စ ပါနဉ္စ ပသန္နစိတ္တာ,
သက္ကစ္စ ဒါနံ ဝိပုလံ အဒမှ.
(1052–1053.)
900
တေန မေတာဒိသော ဝဏ္ဏော,
_ …ပေ… _
ဝဏ္ဏော စ မေ သဗ္ဗဒိသာ ပဘာသတီ”တိ.
901
ပဌမအဂါရိယဝိမာနံ ပဌမံ.