2.2.10 (ဥတ္တရ) ပါယာသိဝိမာနဝတ္ထု
Review
- (ဥတ္တရ) ပါယာသိဝိမာနဝတ္ထု
1108.
953
“ယာ ဒေဝရာဇဿ သဘာ သုဓမ္မာ,
ယတ္ထစ္ဆတိ ဒေဝသင်္ဃော သမဂ္ဂေါ;
တထူပမံ တုယှမိဒံ ဝိမာနံ,
ဩဘာသယံ တိဋ္ဌတိ အန္တလိက္ခေ.
1109.
954
ဒေဝိဒ္ဓိပတ္တောသိ မဟာနုဘာဝေါ,
မနုဿဘူတော ကိမကာသိ ပုညံ;
ကေနာသိ ဧဝံ ဇလိတာနုဘာဝေါ,
ဝဏ္ဏော စ တေ သဗ္ဗဒိသာ ပဘာသတီ”တိ.
1110.
955
သော ဒေဝပုတ္တော အတ္တမနော,
_ …ပေ… _
ယဿ ကမ္မဿိဒံ ဖလံ.
1111.
956
“အဟံ မနုဿေသု မနုဿဘူတော,
ရညော ပါယာသိဿ အဟောသိံ မာဏဝေါ;
လဒ္ဓါ ဓနံ သံဝိဘာဂံ အကာသိံ,
ပိယာ စ မေ သီလဝန္တော အဟေသုံ;
အန္နဉ္စ ပါနဉ္စ ပသန္နစိတ္တော,
သက္ကစ္စ ဒါနံ ဝိပုလံ အဒါသိံ.
(1112–1113.)
957
တေန မေတာဒိသော ဝဏ္ဏော,
_ …ပေ… _
ဝဏ္ဏော စ မေ သဗ္ဗဒိသာ ပဘာသတီ”တိ.
958
ပါယာသိဝိမာနံ ဒသမံ.
959
ပါယာသိဝဂ္ဂေါ ဆဋ္ဌော.
960
တဿုဒ္ဒါနံ
961
ဒွေ အဂါရိနော ဖလဒါယီ,
ဒွေ ဥပဿယဒါယီ ဘိက္ခာယ ဒါယီ;
ယဝပါလကော စေဝ ဒွေ,
ကုဏ္ဍလိနော ပါယာသီတိ.
962
ပုရိသာနံ ဒုတိယော ဝဂ္ဂေါ ပဝုစ္စတီတိ.