2.2.4 ပဌမော်ပဿယဒါယကဝိမာနဝတ္ထု
Review
1069.
917
“စန္ဒော ယထာ ဝိဂတဝလာဟကေ နဘေ,
ဩဘာသယံ ဂစ္ဆတိ အန္တလိက္ခေ;
တထူပမံ တုယှမိဒံ ဝိမာနံ,
ဩဘာသယံ တိဋ္ဌတိ အန္တလိက္ခေ.
1070.
918
ဒေဝိဒ္ဓိပတ္တောသိ မဟာနုဘာဝေါ,
မနုဿဘူတော ကိမကာသိ ပုညံ;
ကေနာသိ ဧဝံ ဇလိတာနုဘာဝေါ,
ဝဏ္ဏော စ တေ သဗ္ဗဒိသာ ပဘာသတီ”တိ.
1071.
919
သော ဒေဝပုတ္တော အတ္တမနော,
_ …ပေ… _
ယဿ ကမ္မဿိဒံ ဖလံ.
1072.
920
“အဟဉ္စ ဘရိယာ စ မနုဿလောကေ,
ဥပဿယံ အရဟတော အဒမှ;_
အန္နဉ္စ ပါနဉ္စ ပသန္နစိတ္တာ,
သက္ကစ္စ ဒါနံ ဝိပုလံ အဒမှ.
(1073–1074.)
921
တေန မေတာဒိသော ဝဏ္ဏော,
_ …ပေ… _
ဝဏ္ဏော စ မေ သဗ္ဗဒိသာ ပဘာသတီ”တိ.
922
ပဌမော်ပဿယဒါယကဝိမာနံ စတုတ္ထံ.