2.3.2 နန္ဒနဝိမာနဝတ္ထု
Review
1120.
969
“ယထာ ဝနံ နန္ဒနံ ပဘာသတိ,
ဥယျာနသေဋ္ဌံ တိဒသာနမုတ္တမံ;_
တထူပမံ တုယှမိဒံ ဝိမာနံ,
ဩဘာသယံ တိဋ္ဌတိ အန္တလိက္ခေ.
1121.
970
ဒေဝိဒ္ဓိပတ္တောသိ မဟာနုဘာဝေါ,
မနုဿဘူတော ကိမကာသိ ပုညံ;
ကေနာသိ ဧဝံ ဇလိတာနုဘာဝေါ,
ဝဏ္ဏော စ တေ သဗ္ဗဒိသာ ပဘာသတီ”တိ.
1122.
971
သော ဒေဝပုတ္တော အတ္တမနော,
_ …ပေ… _
ယဿ ကမ္မဿိဒံ ဖလံ.
1123.
972
“အဟံ မနုဿေသု မနုဿဘူတော,
ဒလိဒ္ဒေါ အတာဏော ကပဏော ကမ္မကရော အဟောသိံ;
ဇိဏ္ဏေ စ မာတာပိတရော အဘာရိံ,
ပိယာ စ မေ သီလဝန္တော အဟေသုံ;
အန္နဉ္စ ပါနဉ္စ ပသန္နစိတ္တော,
သက္ကစ္စ ဒါနံ ဝိပုလံ အဒါသိံ.
(1124–1125.)
973
တေန မေတာဒိသော ဝဏ္ဏော,
_ …ပေ… _
ဝဏ္ဏော စ မေ သဗ္ဗဒိသာ ပဘာသတီ”တိ.
974
နန္ဒနဝိမာနံ ဒုတိယံ.